У кожнага народа былі свае народныя спевакі-паэты. У ангельцаў — менестрэлі, у французаў — трубадуры, а вось у азербайджанцаў і армян у Сярэднявеччы былі ашугі. З творчасцю аднаго з такіх паэтаў можна пазнаёміцца ў кнізе «Сто і адзін айрен». Гэта энцыклапедыя сярэднявечнага армянскага жыцця. У ёй сабраны філасофскія і жартаўлівыя вершы (айрены) у першую чаргу пра каханне, але і не толькі.